Tailer didaktikoak

Olas recicladas

El Museo del Nacionalismo Vasco, crea un nuevo taller sobre sostenibilidad. En esta ocasión, el taller consistirá en reutilizar materiales y residuos recogidos de nuestros mares, con los que construiremos un barco que arribará al puerto de Bilbao.

Queremos que con este taller nos demos cuenta de la importa que tienen nuestros actos en el medio ambiente y conocer que actuaciones se están llevando a cabo desde el Puerto de Bilbao, para conseguir emisiones cero netas de carbono en 2050. 

• A partir de 2º infantil / aula 4 años

Bilbo eraikiz

Bilbo hiriaren iragana eta oraina ezagutuko dugu atzoko eta egungo irudiak konbinatuz. Horretarako, antzinako eta egungo argazkiak erabiliko ditugu. Margoekin kolorea emango diegu eta kartoi bat erabiliko dugu 3D efektuko muntaia egiteko.

Bizkaiko hiriburuan desagertu diren eraikinen, tokien eta guneen berri emango dugu eta XXI. mendeko Bilboko egitura modernoei ateratako argazkiekin konbinatuko ditugu. Talde-lana sustatuko dugu eta, amaitzean, denek batera, argazki bat aterako dute egin duten lana erakutsiz.

• Haur Hezkuntzako 2. mailatik aurrera / 4 urtekoen gela

Kartoizko kutxa batekin kamera estenopeikoa egitea

Argazki kamera tradizionalen printzipioak garatuko ditugu, kartoizko kutxa sinple batekin argazki kamera bat eginez.

Birziklatzearen garrantziaz arituko gara, kartoizko kutxa bati erabilera berria emango diogu kamera estenopeikoa eginez.

• Lehen Hezkuntzako 3. mailatik aurrera

Kamera estenopeikoa eta positibatzea

Gaur egun txikienek argazkigintza digitala baino ez dute ezagutzen, eta tailer honen bidez nahi genuke argazkilaritzaren munduan murgiltzea, bai eta bere historian ere.

Tailerrak bi zati izango ditu: lehenengo eta behin, beren kamera eraikiko dute, kamera estenopeikoa, antzina egiten zirenak modukoa; eta bigarrenean, beren argazkiak egingo dituzte eurek egin duten kamerarekin. Amaitzeko, argazkiak positibatu egingo dituzte

• Lehen Hezkuntzako 3. mailatik aurrera

“Guernica”, Pablo Picasso

Euskal historia landuko dugu eta  nazioarte mailako artistarik entzutetsuenaren lana ezagutu ahal izango dugu: Pablo Picasso eta bere artelana, “Guernica”.

Gure helburua da neska eta mutil guztien artean “Guernica” bat egin dezatela, irudia koloreztatuz. Banakako lana egingo dute eta, aldi berean, talde-lana ere izango da, parte hartzaile bakoitzak berregingo baitu koadroaren zati bat. Tenperak erabiliko dira  mihisetan bakoitzak bere zatia egiteko. Amaitzean, mihise guztiekin egingo dugu “Guernica” berri bat,  kolorez betea.

• Lehen Hezkuntzako 1. mailatik aurrera

Idaztea eta NURen amamarekin amets egitea

Toti Martínez de Lezea idazlearen laguntzarekin eta NURen ipuinak oinarri hartuta, tailer honen helburua izango da lehen hezkuntzako neska eta mutilen artean irakurzaletasuna sustatzea benetako istorioen bidez, benetako pertsonaien bidez. Nur da Totiren iloba eta Txinan bizi da.

Ipuin serie honetan, Totik  kontatzen ditu protagonistaren adineko neska eta mutilen istorioak eta munduaz eta gertakariez duten ikuskera eskaintzen digu.

• Lehen Hezkuntzako 4. mailatik aurrera

Kolore hiperkonektatuak

Tailer honen bidez kolorea landuko dugu, linea abstraktu eta esperimentalenean.

Askotariko materialak erabiliko ditugu erliebean magiaz betetako marrazkia egiteko. Gatza eta tenperak erabiliko ditugu eta koloreak berez hiperkonektatuko dira.

• Haur hezkuntzako 3. mailatik aurrera / 5 urtekoen gela

Taumatropoarekin esperimentatzen

Traumatopoa jostailu optikoa da eta irudietan mugimenduaren sentsazioa produzitzeko erabiltzen da. “Tramankulu” hau da zinemaren aurrekari bat.

Disko bat da eta irudi bat dauka alderdi bakoitzean. Diskoaren ertzetan bi soka edo elastiko jartzen dira eta hainbatetan bihurtzen dira. Horrela, tiratzean, diskoa biraka hasten da abiadura handian. Biraketa arin honek ikuslearengan eragiten duen ilusioa da irudi biak elkarren ondoan daudela.

Helburua da neska eta mutilak hastea zinemaren kontzepturik oinarrizkoenean, jarduera ludikoan parte hartuz. Jostailu optiko honek sortzen duen ilusioa da irudia mugitzen dela.

• Haur Hezkuntzako 2. mailatik aurrera / 4 urtekoen gela

Gure sinboloak - Ikurrina

Tailer honetan gure euskal sinbologia landuko dugu artearen bidez. Askotariko materialen bidez  forma emango diegu Ikurrina bezalako sinbolo enblematikoei.

Tailer honek ahalbidetuko du material eta testurekin esperimentatzea eta collage teknika erabiliz adierazpen artistikoa landuko dugu euskal sinbologia baliatuz.

• Haur Hezkuntzako 1. mailatik aurrera / 3 urtekoen gela

Gure sinboloak: Lauburua. Serigrafia tailerra

Ikasleek tailer honetan ikasiko dute serigrafiaren teknika artistikoa, etxean oso erraz eta modu praktikoan praktikak jar daitekeen artea, ekipamendu handirik erabili beharrik gabe.

Elastiko bat dekoratuko dugu Lauburuarekin, euskal kulturaren sinbolorik esanguratsuenetarikoarekin. Bere esanahia ezagutuko dute, bai eta bere jatorria ere. Aldi bereran, serigrafiaren prozesua ezagutuko dute.

• Lehen Hezkuntzako 4. mailatik aurrera

• api 08 2022
• 09:30h -(e)tik 12:30h -(e)tara

Etorkizuna eraikiz

Aranzadi Zientzia Elkartearekin  eta gure historiaren pasarte esanguratsuak bizi izan dituzten pertsonen laguntzarekin, gerraren ondorioak aztertuko ditugu: hobiak lokalizatzea DNA analisiak, eta abar.

Tailer honen protagonista nagusia izango da Memoria Historikoa. Memoria baita lehenetsi beharrekoa elkarbizitza eraikitzeko, baina iragana ahaztu gabe. Hori bai, gorrotorik gabe, gizarte anitz eta kohesionatua eraikitzeko, bakean  biziko dena.

• DBH eta Batxilergoa